“HEYDƏR ƏLİYEV DÖVLƏT İDARƏÇİLİK MƏKTƏBİ”NİN NÖVBƏTİ MƏŞĞƏLƏSİ
Fevralin 20-də Azərbaycan Respublikasının Prezidenti yanında Dövlət İdarəçilik Akademiyasında “Heydər Əliyev dövlət idarəçilik məktəbi”nin növbəti məşğələsi keçirilmişdir.
“Heydər Əliyev və müstəqil Azərbaycan dövlətinin qurulması” mövzusuna həsr olunmuş məşğələni akademiyanın rektoru professor Seyfəddin Qəndilov açaraq, 1993-cü ildə Heydər Əliyevin respublika rəhbərliyinə yenidən qayıdışından sonra müstəqilliyin qorunması, dövlətçiliyin möhkəmləndirilməsi yolunda gördüyü işlərdən, onun bu sahədəki fəaliyyətinin öyrənilməsinin çox böyük elmi-nəzəri və praktiki əhəmiyyəti olmasından danışmışdır.
Sonra Milli Məclisin elm və təhsil məsələləri daimi komissiyasının sədri Şahlar Əsgərovun “Heydər Əliyev Azərbaycan dövlətinin banisi və qurucusudur” mövzusunda məruzəsi dinlənilmişdir. Natiq Prezident Heydər Əliyevin Azərbaycanın tarixindəki xilaskarlıq missiyasından, çətin maneələri dəf edərək müstəqil dövlət qurmaq, onu inkişaf etdirərək dünyaya tanıtmaq istiqamətində gördüyü nəhəng işlərdən danışmış, axırda dinləyicilərin çoxsaylı suallarına cavab vermişdir.
Milli Məclisin deputatlarından bir qrupu iclasda iştirak etmişdir.
Bölmənin digər xəbərləri
