TALİBAN HƏRƏKATI DƏSTƏSİNİN KOMANDİRİ MOLLA MƏHƏMMƏD ÖMƏRİ TƏHVİL VERƏCƏYİNİ VƏD ETMİŞDİR
Əfqanıstanın Gilmənd əyalətinin Bəhran dağlıq bölgəsində yerləşmiş iri taliban dəstəsinin komandiri ABŞ-ın bombardımanları kəsilərsə, “Taliban” hərəkatının dini lideri molla Məhəmməd Öməri təhvil verəcəyini vəd etmişdir. Bu barədə Qətərin “Əl-Cəzirə” peyk telekanalı antitalib koalisiyası kəşfiyyatının Qəndahardakı nümayəndəsi Nəsrətullaya istinadən məlumat vermişdir. Onun sözlərinə görə, həmin komandir Gilmənd əyaləti qəbilələrinin ağsaqqallar şurasının nümayəndələri ilə görüşündə bildirmişdir ki, 1500-ə yaxın döyüşçüsünü də təslim edə bilər.
İTAR-TASS-ın yaydığı xəbərə görə, taliblərin komandiri etiraf etmişdir ki, onun dəstəsinə “Əl-Qaidə” terrorçu şəbəkəsinin Əfqanıstanın müxtəlif bölgələrindən Bəhrana qaçmış yaraqlıları da daxildirlər.
Bölmənin digər xəbərləri
