“VULKANLARLA ÜZ-ÜZƏ”
Kinematoqrafçılar İttifaqında rejissor Nazim Rzanın “Azərbaycantelefilm” istehsalat birliyində çəkdiyi “Vulkanlarla üz-üzə” sənədli filminin premyerası olmuşdur. Filmin elmi məsləhətçisi AMEA Geologiya İnstitutunun palçıq vulkanizmi laboratoriyasının rəhbəri, geologiya-mineralogiya elmləri doktoru Adil Əliyevdir. Sənədli lentin yaradıcıları YUNESKO-nun mühafizəsində olan Lökbatan vulkanının, Xəzər dənizindəki Buzovna palçıq vulkanının, habelə ölkədəki digər vulkanların püskürməsini göstərən nadir kadrları əks etdirmişlər. Püskürmələrin seysmikliyə, ekoloji vəziyyətə təsirinin müxtəlif cəhətlərini şərh edən alimlər, palçıq vulkanları brekçiyasının tibbin müxtəlif sahələrində istifadəsinin yüksək səmərəliliyini də vurğulayırlar.
Bölmənin digər xəbərləri
