EKVADORDA DAŞQIN
Boqota. Son günlər daşqınlara səbəb olmuş güclü yağışlar nəticəsində Ekvadorun altı əyalətində 13 adam həlak olmuş, mindən çox adam zərər çəkmişdir. Bu barədə Ekvador mülki müdafiə xidmətinin nümayəndəsi xəbər vermişdir.
İTAR-TASS-ın yaydığı xəbərə görə, 600-ə yaxın binaya zərər dəymiş, onların 48-i tamamilə dağılmışdır. 400-ə yaxın adam fəlakət zonasından köçürülmüşdür. Təbii fəlakətdən daha çox zərər çəkmiş Quayas əyalətinin altı kantonunu tamamilə su basmışdır.
Ekvador hökuməti zərərçəkənlərə yardım göstərmək üçün təcili tədbirlər görür. Sinoptiklərin məlumatına görə, yaxın həftələrdə burada yağışlar davam edəcəkdir.
Bölmənin digər xəbərləri
