CƏLİLABADDA TAXIL BİÇİNİ BAŞLANDI
Respublikanın əsas taxılçılıq rayonlarından olan Cəlilabadda biçin başlanmışdır. Alar və Uzuntəpə kəndlərinin fermerləri kombaynları zəmilərə birinci çıxarmışlar. Hələlik arpa əkinlərinin hər hektarından 25 sentnerədək məhsul əldə edilir. Rayon icra hakimiyyətində bildirmişlər ki, bu il Cəlilabad taxılçıları 45 min hektara yaxın sahədə dənli bitkilər əkmişlər. Uzun müddət ara verməyən yağışlar bəzi yerlərdə taxıl əkinlərinə müəyyən qədər zərər vursa da, kənd əməkçiləri bu mövsümdə ötən ildəkindən də çox - 115 min tona qədər məhsul götürmək əzmindədirlər. Hər yerdə biçinə lazımi hazırlıq görülmüşdür. Təkcə son günlər 9 ədəd Yaponiya kombaynı alınmış, bu qəbildən olan yığım texnikasının sayı 20-yə çatdırılmışdır. Rayonda mövcud olan 150-dən artıq kombayn da tam işlək vəziyyətdədir.
Bölmənin digər xəbərləri
