80 MİN TON PAMBIQ HAZIRDIR
Respublikanin pambıqçılıqla məşğul olan fermer təsərrüfatları noyabrın 28-dək emal müəssisələrinə 80 min tondan çox xammal təhvil vermişlər.
Kənd Təsərrüfatı Nazirliyi Bitkiçilik Baş İdarəsindən AZƏRTAC-a bildirmişlər ki, yığım mövsümü ərzində hər hektardan 13,1 sentner məhsul götürülmüşdür. Bu, ötən ilki müvafiq göstəricidən 3,1 sentner çoxdur. Bir sıra rayonlarda məhsuldarlıq respublika üzrə orta göstəricidən yüksək olmuşdur. Məsələn, Goranboy pambıqçıları hər hektardan 24,7 sentner, ağcabədililər 19,4 sentner, tərtərlilər 19 sentner, zərdablılar isə 16,6 sentner yüksək keyfiyyətli pambıq istehsal etmişlər.
Baş idarədən verilən məlumata görə, fermerlər bildirkindən 22 min hektar az sahədə pambıq əksələr də, proqnozlar göstərir ki, ümumi məhsulun həcmi həmin ildəkindən çox olacaqdır. Bu, pambıq emalı zavodları ilə fermerlər arasında əlaqələrin daha sıx qurulması və tədarük olunan məhsulun pulunun ləngidilmədən ödənilməsi üçün dövlətimizin və hökumətimizin həyata keçirdiyi tədbirlərin bəhrəsidir.
Emal müəssisələrinə pambıq təhvili davam edir.
Bölmənin digər xəbərləri
