XATİRƏ GÜNÜ
Martın 5-də Azərbaycan Milli Elmlər Akademiyasının Nizami adına Ədəbiyyat Muzeyində tanınmış aktyor, rejissor, bədii qiraətçi Həsən Əblucun anadan olmasının 60 illiyinə həsr edilmiş xatirə günü keçirilmişdir.
Tədbiri muzeyin direktoru, filologiya elmləri namizədi İsrafil İsrafilov açaraq, Azərbaycan mədəniyyətinin inkişafında Həsən Əblucun xidmətlərindən danışmışdır.
AMEA-nın həqiqi üzvü Kamal Talıbzadə, xalq artistləri Ramiz Məlikov, Əminə Yusifqızı və başqaları televiziya tamaşalarında və səhnədə H. Əblucun yaratdığı obrazlardan, rejissorluğundan, pedaqoji fəaliyyətindən söz açmış, onunla bağlı xatirələrini danışmışlar.
Xatirə günündə Həsən Əblucun lent yazıları səsləndirilmişdir.
Rejissor Ənvər Əbluc qardaşının xatirəsinə göstərilən diqqət və ehtirama görə tədbir iştirakçılarına minnətdarlığını bildirmişdir.
Bölmənin digər xəbərləri
