“POTENSİAL”IN POTENSİAL YARDIMI
“Potensial”ın rəhbəri Sahib Fərzəliyev AZƏRTAC-ın müxbirinə bildirmişdir ki, 1998-ci ildə yaradılmış təşkilat respublikamızın hüdudlarından kənarda təhsil almış 70 mütəxəssisi birləşdirir. Birlik “Kiçik biznesin təşkili və idarə edilməsi” kitabını hazırlayıb nəşr etmişdir. Buraya “Dünyaya baxış” Amerika Beynəlxalq Humanitar Təşkilatı ilə birgə “Şəhər icmalarının inkişafı proqramı” layihəsi çərçivəsində həyata keçirilmiş məşğələ prosesində istifadə edilmiş metodik materiallar daxildir. “Potensial” “Sosial inkişafda bələdiyyələrin rolu” mövzusunda tədris filmi də çəkmişdir. Bu layihə bələdiyyələrin fəaliyyətinin təşkilinə həsr olunmuşdur. Birlik yoxsulluğun azaldılması və iqtisadi inkişaf üzrə Dövlət Proqramının hazırlanmasında da iştirak etmişdir.
Bölmənin digər xəbərləri
