MİLLİ QURTULUŞ GÜNÜ QEYD EDİLMİŞDİR
AZƏRTAC-ın müxbiri xəbər verir ki, Ağsu şəhər mədəniyyət sarayında Milli Qurtuluş gününə həsr olunmuş təntənəli yığıncaq keçirilmişdir. 400 nəfərədək rayon sakininin iştirak etdiyi tədbiri giriş sözü ilə rayon icra hakimiyyətinin başçısı Əflatun Rufiyev açmışdır.
Ümummilli liderimiz Heydər Əliyevin əziz xatirəsi bir dəqiqəlik sükutla yad edilmiş, dövlət himni səsləndirilmişdir.
Təntənəli yığıncaqda “Sabahımız, gələcəyimiz xalqımızın ümummilli lideri Heydər Əliyevin yoludur” mövzusunda məruzə dinlənilmiş, çıxışlar olmuşdur.
