MİLLİ MƏCLİSDƏ GÖRÜŞ
Azərbaycanla Ukrayna arasında mövcud olan dostluq əlaqələrindən, bu əlaqələrin inkişafında dövlət başçılarının müstəsna xidmətlərindən danışan Arif Rəhimzadə dedi ki, Azərbaycan Prezidenti, Milli Olimpiya Komitəsinin sədri İlham Əliyevin təşəbbüsü ilə respublikamızın bütün rayonlarında idmanın inkişafına diqqət yetirilir. İqtisadiyyatımız gücləndikcə, insanların sosial rifah halı da yaxşılaşır və bu da öz növbəsində, idmanın inkişafına təkan verir.
Nümayəndə heyətinin rəhbəri Yevgeni İmas ölkələrimiz arasındakı əlaqələrin inkişafında və möhkəmlənməsində Azərbaycan xalqının ümummilli lideri Heydər Əliyevin və Ukrayna Prezidenti Leonid Kuçmanın xüsusi rolunu vurğulayaraq dedi ki, məhz onların səyi nəticəsində münasibətlərimiz strateji tərəfdaşlıq səviyyəsinə yüksəlmişdir. Ukrayna tərəfi idman sahəsində də əlaqələri genişləndirmək və inkişaf etdirmək niyyətindədir.
Sonra görüşdə qarşılıqlı maraq doğuran bir sıra məsələlər ətrafında fikir mübadiləsi aparıldı.
Bölmənin digər xəbərləri
