Ekoloji monitorinqlər davam etdirilir
Bakı, 20 oktyabr (AZƏRTAC). Azərbaycan Respublikası Dövlət Neft Şirkətinin (ARDNŞ) Ekologiya İdarəsi ekoloji monitorinqləri davam etdirir.
Ekologiya İdarəsindən AZƏRTAC-a bildimişlər ki, “Tullantıların idarə olunması planı”nın icrası ilə əlaqədar idarədə yaradılmış işçi qrup tərəfindən ARDNŞ-in bütün müəssisələrində tullantıların əmələ gəldiyi və müvəqqəti saxlandığı sahələrdə növbəti monitoriqlər aparılır.
Tullantıların idarə olunması üzrə mütəmadi olaraq ildə bir dəfə aparılan ekoloji monitorinqlər tullantıların idarəetmə sisteminin səmərəli fəaliyyətinin təmin edilməsinə, ətraf mühitə təsir edən mənfi amillərin aradan qaldırılmasına, istehsalat sahələrində formalaşan tullantıların təkrar emalı, zərərsizləşdirilməsi, utilizasiyası və ARDNŞ daxilində tullantıların daşınmasına nəzarəti gücləndirir. Ekoloji monitorinqlər yalnız ARDNŞ-in quruda yerləşən obyeklərində deyil, dənizdə fəaliyyət göstərən istehsalat sahələrində də həyata keçirilir.
Bölmənin digər xəbərləri
