DÜNYANIN ƏHALİSİ QOCALIR
BMT baş katibinin müavini Nitin Dezai mətbuat konfransında bildirmişdir ki, 2050-ci ilə qədər 60-dan yuxarı yaşı olan adamlar Yer kürəsi əhalisinin 20 faizini və ya iki milyard nəfərini təşkil edəcəklər. Bəşər tarixində ilk dəfə olaraq, 60 yaşdan yuxarı adamların sayi 15 yaşınadək uşaqların sayından çox olacaqdır.
İTAR-TASS xəbər verir ki, Dezainin sözlərinə görə,baş verəcək ”demoqrafik inqilab” bir çox ölkələrdə pensiya siyasətinin və səhiyyə sisteminin dəyişdirilməsinə səbəb olacaqdır. Belə vəziyyət, ilk növbədə, doğum və ölüm hallarının səviyyəsinin aşağı düşməsi ilə izah edilir. Orta hesabla yaşlı adamların sayı dünya əhalisinin ümumi artımından xeyli sürətlə-ildə iki faiz artır. Özü də ahılların çoxu iqtisadi cəhətdən inkişaf etmiş və doğum göstəricilərinin aşağı olduğu ölkələrdə yaşayır.
Dezai demişdir ki, dünyada yaşlıların çoxu qadınlardır. Çünki qadınlar kişilərə nisbətən daha sağlamdırlar və müxtəlif xəstəliklərə az tutulurlar. O bildirmişdir ki, “2000-ci ildə 60 və ondan yuxarı yaşı olan qadınların sayı bu yaş qrupunda olan kişilərin sayından 63 milyondan çox idi”.
Bölmənin digər xəbərləri
