DƏYİRMAN TİKİLİR
Tovuzlu sahibkar Əli Qurbanov türk iş adamları ilə birgə rayonda un fabrikinin inşasına başlamışdır. Hazırda tikintidə 30 nəfər çalışır.
Sahibkar AZƏRTAC-ın müxbirinə bildirmişdir ki, dəyirman istifadəyə veriləndən sonra gündə 80 ton un üyüdəcəkdir. Burada un məmulatları və qənnadı sexləri də fəaliyyət göstərəcək, 60-70 nəfər yerli sakin daimi işlə təmin olunacaqdır.
