BMT-nin Baş katibi Ankarada səfərdədir

Ankara, 12 mart, AZƏRTAC

Martın 12-də Türkiyənin xarici işlər naziri Hakan Fidan Ankarada BMT-nin Baş katibi Antonio Quterreş ilə görüşüb.

AZƏRTAC xəbər verir ki, görüş Türkiyə Xarici İşlər Nazirliyinin binasında qapalı qapılar arxasında keçirilib.

Türkiyə Xarici İşlər Nazirliyi həm məhdud, həm də genişləndirilmiş formatda keçirilən görüşün görüntülərini yayımlayıb.

BMT Baş katibinin Ankaraya səfər çərçivəsində Prezident Rəcəb Tayyib Ərdoğan tərəfindən qəbul ediləcəyi gözlənilir.

Türkiyə liderinin Quterreşə Atatürk Beynəlxalq Sülh Mükafatını təqdim edəcəyi bildirilir.

Ramin Abdullayev

AZƏRTAC-ın xüsusi müxbiri

Ankara

MÜƏLLİFLƏ ƏLAQƏ