Birləşmiş Ştatların neft hasilatı azalır
Bakı, 5 noyabr, AZƏRTAC
ABŞ-ın sutkalıq xam neft istehsalı azalıb.
AZƏRTAC xəbər verir ki, bu barədə ABŞ-ın Enerji İnformasiya Administrasiyasının (EIA) məlumatında deyilir. Bildirilir ki, ötən hesabat həftəsində ABŞ-ın neft hasilatı 602 min barrel azalaraq gündəlik orta hesabla 10,9 milyon barrel olub.
Bu il fevralın 22-28-ni əhatə edən həftədə isə ABŞ-ın neft hasilatı gündəlik orta hesabla 13,1 milyon barrelə çataraq rekord səviyyəyə yüksəlmişdi.
Keçən həftə ABŞ-ın neft idxalı əvvəlki həftəyə görə 634 min barrel azalaraq sutkada 5 milyon barrel, neft ixracı da əvvəlki həftə ilə müqayisədə 1,2 milyon barrel geriləyərək gündəlik 2,3 milyon barrel təşkil edib.
EIA-nın proqnozuna görə, cari ildə Birləşmiş Ştatların neft hasilatının gündəlik 11,2 milyon barrel, gələn il isə 11,1 milyon barrel olacağı gözlənilir.
Qeyd edək ki, ABŞ 2018-ci ilin noyabrında Səudiyyə Ərəbistanı və Rusiyanı geridə qoyaraq dünyanın ən böyük neft istehsalçısı olub.
MÜƏLLİFLƏ ƏLAQƏ
Bölmənin digər xəbərləri
- 20.11.2026 [15:56]
COP31-də Afrikada su təhlükəsizliyinə diqqət çəkilib
- 20.11.2026 [15:13]
Nikol Paşinyan: Yeni Konstitusiyanın mətni noyabrın 23-də dərc olunacaq
- 20.11.2026 [14:54]
Polşada hava məkanının pozulması ilə bağlı iki şübhəli hadisə araşdırılır
- 20.11.2026 [14:39]