 |
2013-cü il. Azərbaycan Respublikasının ilk telekommunikasiya peyki - “Azərspace-1” uğurla orbitə buraxılıb. Bu, Azərbaycanın müstəqillik tarixinin ən önəmli hadisələrindən biri idi. Bu münasibətlə təşkil olunan mərasimdə Prezident İlham Əliyev və xanımı Mehriban Əliyeva iştirak ediblər. “Azərspace-1” peyki 46 dərəcə Şərq uzunluq dairəsində geostasionar orbitdə yerləşib. Peyk Avropa, Afrika, Mərkəzi Asiya, Qafqaz ölkələri və Yaxın Şərq regionunu əhatə edir. |
 |
1904-cü il. Yaponiya donanmasının Port-Artur qalasına hücum edərək Rusiya donanmasını məhv etməsi ilə rus-yapon müharibəsi başlayıb (1904-1905). Port-Arturun 322 günlük mühasirəsi zamanı qalanın müdafiəsində azərbaycanlı generallar Səməd bəy Mehmandarovun və Əlağa Şıxlınskinin də mühüm xidmətləri olub. |
 |
1922-ci il. ABŞ Prezidenti Uorren Hardinq Ağ Evdə ilk radio cihazını təqdim edib. O, radio ilə müraciət edən ilk Prezident olub. |
 |
1952-ci il. II Elizabet Böyük Britaniya və Şimali İrlandiya Birləşmiş Krallığının Kraliçası elan edilib. O, Birləşmiş Krallıq tarixində ən çox hakimiyyətdə olan şəxsdir. |
 |
1971-ci il. Dünyanın texnoloji birjası olan NASDAQ Nyu-Yorkda fəaliyyətə başlayıb. |
